ФИФА СВЕТСКО ПРВЕНСТВО КАТАР 2022

Швајцарија забрани летање орли во Катар

Швајцарските репрезентативци кои водат потекло од Балканот нема да смеат да го користат познатиот симбол на натпреварите од Светското првенство во Катар.

Репрезентацијата на Србија на првоаприлската жрепка доби шанса за реванш откако беше извлечена во иста група со Швајцарија. Имено, на Мундијалот во Русија пред 4 години Швајцарците победија со 2:1 и се пласираа во осминафиналето на сметка на Србија, но натпреварот мина во контроверзии откако швајцарските фудбалери со албанско и косовско потекло гестикулираа правејќи го со рацете симболот за двоглав орел, националното обележје на Албанија. Тогаш тоа го направија Гранит Џака и Џердан Шаќири, кои ги постигнаа головите, а дури им се придружи и Штефан Лихтштајнер, кој нема допирна точка со Балканот. Играа уште и Валон Бехрами и Блерим Џемаили. ФИФА тогаш отвори истрага и ги казни играчите со по 10 илјади швајцарски франци.

На швајцарските фудбалски власти тоа уште тогаш не им се допадна бидејќи го сфатија како дека играчите повеќе се идентификуваат со земјите од кои водат потекло, отколку со земјата во која се родени или израснати. Лавина негативни реакции предизвика и меѓу швајцарската јавност и навивачи, кои беа бесни на потегот нма играчите. Но, затоа пак добија огромни симпатии во Албанија, Косово и останатите земји каде живее дел од албанското население.

Челниците на Швајцарската фудбалска федерација донесоа одлука да го забранат албанскиот симбол сѐ со цел да се избегнат нови провокации од страна на нивните репрезентативци, со оглед на тоа што Швајцарија на 2 декември во рамките на 3. коло во групата Г игра против Србија, натпревар кој лесно може да биде одлучувачки за пласман во осминафиналето со оглед на тоа што прв фаворит во оваа група е Бразил. Четвртиот тим во оваа група е Камерун.

„Светското првенство не се состои само од натпреварот со Србија, дури и ако знаеме колку овој натпревар е посебен, со оглед на она што се случи во 2018 година. Не сакаме да ја направиме истата грешка, таму ќе бидеме за да играме фудбал и ништо друго. Не сакаме да праќаме никакви политички или верски пораки. Сакаме да ги претставуваме нашите вредности. Едната од нив е: почит. Да покажеме почитување кон другите мислења. За мене би било грешка ако преку гестикулации некого испровоцираме, без разлика на играта“, вели Пјерлуиџи Тами, поранешен швајцарски фудбалер, а сега тренер кој е член на стручниот штаб на селекторот Мурат Јакн во улога на директор на репрезентацијата.

Remote video URL

Швајцарија во Катар ќе биде богата со играчи од Балканот, особено оние со потекло од Косово и Албанија. Освен Шаќири и Џака, кои се сигурни патници, за место на списокот конкурираат и играчи како Ардон Јашари, Кастриот Имери, Анди Зеќири и Албиан Ајети.

„Не би требало да постојат зборови, гестови или било какво однесување кое предизвикува туѓа реакција. Кога навиваме, тогаш ја покажуваме својата радост, тоа е важно. Но, не мораме да бидеме провокативни“, додаде Тами. Тоа значи дека играчите на ова алпска земја ќе добијат инструкции како да не ги прославуваат головите.

реклама

Хороскопски знаци на кои пријателите им се поважни од партнерот

Read more

Шокирани и збунети: Данската кралица им ги одзеде титулите на 4 внуци

Read more

Бившата жена на Безос повторно се разведува

Read more

Три хороскопски знака ќе имаат неверојатна среќа со пари во октомври

Read more

Фудбал

Конте образложи зошто не потпишува нов договор со Тотенхем

Read more

Менува репрезентации како чорапи: Играл за Косово, па за Албанија, а сега за Македонија

Read more

Навивачите во Катар ќе можат без вакцина, но со негативен тест

Read more

Катар 2022: Ѕвезди кои ќе недостасуваат

Read more
 

Спорт

Конте образложи зошто не потпишува нов договор со Тотенхем

Читај повеќе

Познат полот на првото дете на Надал

Читај повеќе

МЗТ Скопје му гостува на актуелниот шампион Црвена ѕвезда

Читај повеќе
  • play_arrow

Менува репрезентации како чорапи: Играл за Косово, па за Албанија, а сега за Македонија

Читај повеќе

Навивачите во Катар ќе можат без вакцина, но со негативен тест

Читај повеќе
  • filter

Катар 2022: Ѕвезди кои ќе недостасуваат

Читај повеќе

Германија одби да учествува во квалификациите за ЕУРО

Читај повеќе

AS: Реал на лето ќе донесе два играча за над 220 милиони евра

Читај повеќе

Шпански медиуми: Меси ќе си замине од ПСЖ бесплатно 

Читај повеќе