Аргентинецот Лионел Меси е фудбалски терминатор, изјави славниот американски актер Арнолд Шварценегер, за време на промоцијата на претстојниот филм Терминатор 6.
Главната ѕвезда во филмскиот серијал за Терминатор, откри за шпанските медиуми дека тој пораснал со фудбалот.
Исто така, додаде дека посебно им се восхитува на шпанските клубови.
„Минатата година имав прилика да ги посетам и да следам нивен тренинг. Беше фантастично. Шпанските екипи се општо одлични, Барселона, но и мадридските екипи. Многу од тие играчи се најдобри спортисти воопшто, со одлична издржливост и неверојатна брзина“, истакна Шварценегер
Тој со посебно восхитување зборуваше за Меси и го карактеризираше како „Терминатор“.
„Меси е неверојатен играч, тој е Терминатор во фудбалот, ако можам така да се изразам“, истакна славниот актер.
Инаку, Шварценегер некогаш бил страствен љубител на фудбалот, а како што и сам истакнува, кога еднаш ќе го засакаш овој спорт, тешко е да го исфрлиш од глава.