Арнолд Шварценегер откри дека повеќе нема да глуми во култниот акционен серијал Terminator.
„Франшизата би можела да има успешна иднина, но јас нема да бидам дел од неа“, рече 75-годишниот актер во интервју за The Hollywood Reporter.
Шварци, кој глумеше и во последниот Terminator: Dark Fate од 2019 година, рече: „Франшизата не е завршена. Јас завршив“.
„Јасно и гласно ја добив пораката дека светот сака да продолжи понатаму со друга тема кога станува збор за Terminator. Некој треба да смисли одлична идеја“.
И покрај ова, Шварценегер секогаш ќе има убави спомени од Terminator. Актерот, кој глумеше во оригиналниот филм од 1984 година, објасни:
„Terminator во голема мера беше заслужен за мојот успех, така што јас секогаш ќе го гледам со задоволство“.
„Првите три филма беа одлични. Не глумев во четвртиот (Salvation) затоа што бев гувернер. Потоа, петтиот (Genisys) и шестиот (Dark Fate) не беа како претходните, што се однесува до мене. Го знаевме тоа предвреме бидејќи тие едноставно не беа добро напишани“.
Во меѓувреме, Шварценегер откри дека останува отворен за продолжение на Conan, филм што му ја отвори вратата на Холивуд.