Шварценегер снимен во Австрија како ужива во познат специјалитет

По снимањето во Њујорк, Арнолд Шварценегер неодамна беше фотографиран на одмор во родната Австрија.

Познатиот актер и поранешен гувернер на Калифорнија првично го гледаше машкиот спуст на ФИС Светскиот куп во алпско скијање во Кицбил, Австрија.

Тогаш решил да направи традиционална забава во австрискиот ски-центар Гоинг ам Вилден Кајзер. Тоа е еден од омилените настани во регионот, кој ги привлекува локалното население и туристите.

На таканаречената Weisswurstparty, 77-годишниот актер се забавувал и уживал во познатиот специјалитет од месо по кој традиционалната забава го добила името, поточно бели колбаси.

Шварценегер бил во друштво на пријатели, а неговиот истовремено лежерен и елегантен аутфит даде белег на холивудски гламур на овој баварски настан.

Неговото доаѓање и учество на традиционалните свечености ја нагласува неговата поврзаност со родната земја и покажува колку ја цени богатата австриска култура.

Како што одминувала вечерта, ѕвездата била видена како ужива во друштво на пријатели и обожаватели, докажувајќи дека и на 77-годишна возраст останува харизматична и сакана личност. Многубројните посетители го забележале и побарале да се фотографираат со него.

Потсетуваме, Шварценегер неодамна најави дека се приклучува на хуманитарна акција за Лос Анџелес, каде истакна дека ќе донира милион долари, а дизајнираше и маици со неговиот лик кои обожавателите можат да ги купат и на тој начин да учествуваат во донации за областите кои беа уништени од пожарите.