Црква во Малме има ново уметничко дело во кое Адам и Ева се заменети со геј двојка, додека трансродова жена ја претставува змијата која ги предизвикува.
Контроверзната слика сепак не е нова. Таа е дело на уметницата Елизабет Олсон Валин која ја насликала уште во 2012 година. Сакала да ја тестира шведската црква дали е навистина пријателски расположена кој ЛГБТК+ заедницата бидејќи во 2009 дозволила склучување на истополови бракови. Ја подарила на катедралата во градот Скара каде што е седиштето на шведскиот епископ, но била учтиво одбиена со објаснување дека причините се политички, а не религиозни.
Сега, седум години подоцна, на Валин ѝ се исполни желбата, иако делото не е во нејзиниот роден град. Црквата Св. Павле во Малме ја прифати сликата наречена „Рај“ поставувајќи ја над олтарот во неделата.
Пасторот Хелена Мистенер на Twitter напиша дека во црквата се среќни и горди што сликата на Валин завршила кај нив.
Со искривувањето на библискиот рај Валин сакала да покаже дека местото на геј заедницата е во рајот, а не во пеколот. Инаку, самата Валин е лезбијка. Сликата „Рај“ не е нејзина единствена слика која ги спојува религијата и ЛГБТК+ заедницата.
Во Шведска со години наназад се случува егзодус на Швеѓаните од црквата бидејќи стануваат атеисти. Се смета дека отворањето на црквата кон ЛГБТК+ заедницата е очаен обид да се обиде да ги врати луѓето кон верата.
