Преполовени допатуваа во Египет, а еве сега ќе играат и финале откако Швеѓаните ја средија и Франција во првото полуфинале денеска.
Дојдоа на Мундијалот без осуммина стандардни ракометари поради позитивни тестови на COVID-19. Никој не ги ставаше во потесниот круг на фаворити токму поради резервниот состав на репрезентацијата.
Но, попладнево со 32:26 ја спречија Фрнација да се бори за седмата титула. Хампус Ванне беше незапирлив за Французите реализирајќи 11 голови од 13 удари, најмногу на паркетот. Кај Французите најмногу се истакна крилото Иго Дескат која реализираше 5 од 5. Кај голманите брилјираше шведскиот чувар Андреас Паличка со 11 одбрани.
Шведска последен пат играше во финале на Мундијалот во Франција во 2001 година кога загуби од домаќинот по продолженија. Фактички, денешнава победа беше и слатка одмазда за тој натпревар пред точно 20 години.
Во финалето, кое е закажано за в недела од 18:30 часот, Швеѓаните ќе играат со подобриот од вечерашниот дуел на Шпанија и актуелниот шампион Данска.
Шведска нема шампионска титула од 1999 година, кога токму во Египет во финалето ја совлада Русија. В недела ќе ја брка својата петта титула светски шампион.
Французите, пак, и овој пат потклекнаа на чекор до финалето и ќе играат за бронзата, исто како и пред две години кога беа трети. Затоа, пак, Франција 4 пати триумфираше на последните 6 Мундијали.