По антисемитските изјави на Канје Вест објавени на неговиот Х профил, Дејвид Швимер го повика Илон Маск да го отстрани неговиот профил.
Имено, Вест изминативе денови ја шокираше јавноста со низа соопштенија, каде меѓу другото изјави дека Евреите го контролираат светот, меѓу кои и многу познати личности.
Како одговор, Швимер напиша: „Не можеме да спречиме лудак да шири незнаење исполнето со омраза, но можеме да му го одземеме мегафонот, г-дине Маск“.
Швимер понатаму изјави дека влијанието на Вест е исклучително опасно.
„Кание има 32,7 милиони следбеници на X. Тоа е двојно повеќе од вкупниот број на Евреи во светот. Неговиот болен говор на омраза води до вистинско насилство врз нив“, рече тој.
Изјави и дека не е сигурен што е полошо, „идентификувајќи се како нацист или фактот дека во овој момент нема доволно осуда за да се отстрани и забрани од социјалните мрежи“.
За потсетување, Вест во една од своите објави изјави дека е нацист и расист.
„Јас сум расист. Стереотипите постојат со причина и сите тие се вистинити. Го сакам Хитлер и што уште не. Никогаш нема да се извинам за моите коментари за Евреите“, напиша Вест.
Уште една негова објава предизвика низа реакции во која изјави дека има авторитет над сопругата и дека таа не може да носи посебна облека без негова дозвола. Претходните објави на Канје му донесоа забрана на Twitter од декември 2022 година до летото 2023 година.
