Полската тенисерка Ига Швјонтек со 2:0 во сетови ја совлада Тунижанката Унс Жабр и го освои женскиот турнир во италијанската престолнина.
Швјонтек доминираше на натпреварот и на двапати со идентични 6-2 лесно дојде до победата над туниската тенисерка која е 7-пласирана на ВТА листата. Целиот натпревар траеше 1 час и 23 минути.
За 20-годишната (на 31 мај ќе полни 21 година) Полјакинка ова е шести триумф откако почна пред две години со освојувањето на Френч Опен. Таа всушност го бранеше насловот во Рим откако и лани триумфираше на истата почва.
Ги има уште освоено и Дубаи/Катар Опен, Индиан Велс, како и Мајами Опен, а годинава стигна и до полуфиналето на Австралија Опен.
Нејзината противничка Жабр го бркаше својот втор триумф, но не успеа. Годинава таа победи во Мадрид, што е досега единствена победа за оваа 27-годишна тенисерка.