Полицијата во Ајова запрела возач по 15-минутна потера кој се изјаснил дека сакал полицијата да го брка бидејќи тоа му била една од најголемите желби во животот.
46-годишниот маж, жител на Де Моин, вчераутро одбил да застане кога полицаец се обидел да го запре поради сообраќаен прекршок на магистрален пат, а потоа следела 15-минутна потера, објави една локална телевизија.
Откако бил приведен, мажот на полицајците им објаснил за неговиот список на желби, а од судските документи се гледа дека уште не е поднесено обвинение против него.
Наредникот Скот Брајт изјави дека во неговата 28-годишна кариера досега немал слушнато ваков изговор за бегање од полиција.
