Претседателот на Република Српска, Милорад Додик, е регионален лидер на стабилноста, изјави унгарскиот министер за надворешни работи, Петер Сијарто, во пресрет на денешната средба со претседателот на Република Српска во Будимпешта.

Сијарто на Facebook напиша дека консултациите со Додик се секогаш корисни. Рече и дека за успешна интеграција на регионот „не треба да се зборува за Балканот, туку со Балканот“.
Претходно денеска Додик разговараше со унгарскиот премиер Виктор Орбан за претходно договорените и идните заеднички проекти на Република Српска и Унгарија.
Додик многупати досега многупати отворено зборуваше за отцепување на Република Српска од Босна и Херцеговина, па изјавата на Сијарто дека е лидер на стабилноста во регионот зачуди многумина.