Земјотрес со јачина од 6 степени според Рихтер беше регистриран во централниот дел на Грција, според податоците од Геодинамичкиот институт на Националната опсерваторија.
Како што јави дописничката на МИА од Атина, епицентарот бил во близина на грчкиот град Лариса, а се почувствувал во централниот и северниот дел на Грција.
Околу 11:30 земјотресот беше почувствуван и во Охрид и Скопје, но и во другите градови во државата, но со слаб интензитет. Според реакциите на социјалните мрежи, земјотресот е почувствуван и во Бугарија, Црна Гора и Косово.