Земјотрес со магнитуда од 5,2 степени според Рихтер, го погоди синоќа источниот дел на Романија, соопшти романскиот Институт за геологија и додаде дека во потресот немало жртви и не била причинета материјална штета.
„Епицентарот е регистриран на сеизмичкото подрачје Вранча, на истокот на Романија, на длабочина од 100 километри“, изјави за Франс прес портпаролот на Институтот Мирчеа Радулијан.
Според неговите зборови, земјотресот се случил во 1:20 часот по локално време и се почувствувал и во Букурешт.
Подрачјето Вранча се наоѓа на спојот на три тектонски плочи, заради што Романија е една од земјите во Европа што најмногу се изложени на земјотреси.
Во големиот потрес со магнитуда од 7,2 степени во Романија во 1977 година страда 1.574 луѓе.
