Шампионатот UFC се најде во бизарна комбинација на борби и силиконски гради.
Медиумите објавија дека натпреварувачката во перолесна катергорија на UFC Перл Гонзалес била повлечена од борба поради силиконските импланти во градите.
Гонзалес треба вечерва да се соочи со Синтија Калвилјо како дел од настанот UFC 210 во Бафало, Њујорк.
Меѓутоа, во здравствениот правилник на Спортската комисија на државата Њујорк стои дека „поради загриженост од можно пукање или оштетување на силиконските импланти, боксерите кои имаат силиконски импланти не се квалификуваат за борба во Њујорк“.
Комисијата сепак вчера излезе со соопштение што го пренесува ESPN:
„По внимателно разгледување на случајот, вклучувајќи и разговор со лекарот на Перл Гонзалес, Комисијата одлучи дека Гонзалес е лекарски подобна да се натпреварува на настанот UFC 210 во бафало, Њујорк.“
Претседателот на UFC Дејна Вајт се огласи на Twitter вчера попладне и потврди дека борбата ќе се одржи според планираниот распоред.
