Холивудскиот актер Силвестер Сталоне во ниту еден момент не се откажува од напорните тренинзи со кои ја одржува формата. Тој интензивно вежба во теретана, а на Instagram сподели видео во кое покажа како вежба.
На оваа социјална мрежа го следат над 13 милиони обожаватели. На видеото што го објави е прикажано како вежба со тегови од по 20 килограми. Со видлив напор успеа да подигне 40 килограми, покажувајќи дека е во исклучително добра форма.
„Одиме до крај“, стои во описот на видеото кое за 24 часа има над 3 милиони прегледи.
На 6 јули Сталоне ќе наполни 75 години.