Тренерот на Атлетико Мадрид, Диего Чоло Симеоне, открил дека одбил понуда од кинески клуб вредна 35 милиони евра. Аргентинецот не сакал да го напушти Атлетико бидејќи сака да го освои трофејот во Лигата на шампиони.
„Да сакав да одам во некој друг тим ќе го направев тоа. Имав 35 милиони причини за тоа, 35 милиони. Сепак, не сакав да заминам имам силно чувство на идентитет со екипата“, рекол Симеоне.
Договорот на Чоло со Атлетико истекува 2018 година, откако со клубот се договори да ја намали соработката за две години.
„Градиме нов стадион, буџетот ни се зголемува и со Божја помош можеме да стигнеме до пехарот во Лигата на шампиони“, порачал Аргентинецот.
Атлетико во четвртфиналето во Лигата на шампиони ќе игра против Лестер, првиот меч се игра во Мадрид на 12 април.