„Симпсонови“ пред 24 години предвидоа детаљ од американските избори

По победата на Доналд Трамп на претседателските избори во САД, обожавателите на „Симпсонови“ веруваат дека креаторите на серијата уште еднаш успеале да ја предвидат иднината, а овој пат се работи за изборната карта на САД.

Имено, во 2000 година е емитувана епизодата од 11-та сезона „Bart to the Future“ и оттогаш често се цитира. Станува збор за епизода во која жена станува претседател на САД, а многумина веруваа дека според „пророштвото“ на серијата на чело на државата ќе биде Камала.

Откако тоа не се случи, фановите пронајдоа детаљ од оваа епизода кој сепак се совпаѓа со реалноста и е прилично неверојатен.

Иако епизодата покажува жена (Лиса Симпсон) како победи на изборите, што во реалноста не се случи - мапата во позадина е неверојатно слична на онаа што одговара на моменталната состојба по изборите во САД.

Корисниците на X се чудеа на тоа како можеле да ја погодат изборната мапа со „морничава точност“, а некои се прашуваа дали е можно „Симпсонови“ од иднината да ја добиле буквално истата мапа на овие избори.

Во 2016 година, Ден Грини, кој беше заслужен за пишувањето на епизодата „Bart to the Future“, рече дека тоа е шега што треба да биде „предупредување за Америка“.

Во минатото, фановите се плашеа од премногу точните предвидувања на настани од реалниот живот. Во 2012 година, „Симпсонови“ навестија елементи од настапот на Лејди Гага на полувремето во Супербоул во 2017 година, сè до нејзината светкава облека. Серијата, исто така, го предвиде исходот од претпоследната епизода од Game of Thrones кога направи пародија на серијата на HBO во 2017 година - две години пред емитувањето на таа епизода на GOT.

„Симпсонови“ предвидоа и технолошки развој, како што се телефоните што остваруваат видеоповици и очилата за виртуелна реалност со кои луѓето стануваат опседнати. Тие дури предвидуваа катастрофи како пандемијата и несреќата на подморницата Titan.