„The Simpsons“ го враќаат озлогласениот лик од првата сезона - Жак, инструкторот по куглање, кој се обиде да ја смува Марџ.
Како што пишува Independent, синопсисот за 34. сезона ни ја носи епизодата „Pin Girl“ каде „мистериозна фигура од минатото на Марџ се враќа да ја научи како да кугла и да ја подготви за турнир во куглање“.
Додека фановите шпекулираа дека тоа би можело да биде Жак, креаторот на серијата, Мет Грејнинг, на Twitter го потврди неговото враќање.
Овој лик се појави за прв пат пред 33 години и оттогаш практично исчезна. Се појави во епизодата „Life on the Fast Lane“ каде што Марџ исто така учеше да кугла.
Да потсетиме, Марџ се фрустрираше кога Хомер ѝ купи кугла за куглање за роденден, па таа замина на часови по куглање и почна да флертува со Жак, инструкторот.
Епизодата потоа се вртеше околу загриженоста на семејството Симпсон дека Марџ има афера, но таа на крајот се врати кај Хомер за да го увери дека Жак е отпишан и дека ништо не се случило меѓу нив.
Ова беше последното големо појавување на Жак, освен некои ситни скечеви, но сѐ ќе се промени кога ќе се врати на голема врата во новата епизода.
