Многу често луѓето занемаруваат одредени сигнали кои телото им ги испраќа. Долготрајна кашлица, умор или нередовен менструален циклус можат да бидат само дел од симптомите кои жените често ги игнорираат, а можат да бидат знак дека нешто не е во ред.
Токму затоа е важно да знаете кои симптоми се алармантни и треба да им обрнете внимание.
Промени на градите
Какви било промени на градите дефинитивно се симптом што ниту една жена не треба да го игнорира. Многу е важно да се грижете за нив и ги следите евентуалните промени, така единствено ќе реагирате навреме.
Без разлика дали станува збор за болни брадавици, топчиња или бенка што ненадејно се појавила, потребно е да реагирате навреме и побарате лекарска помош.
Подуеност
Многу жени имаат проблеми со надуеност кога ќе изедат нешто или ќе испијат, а неретко оваа непријатна појава знае да се појави и во време на менструација. Сепак, ако во кој било момент забележите дека надуеноста почесто се јавува или по вашето мислење трае предолго, посетете лекар.
Чест умор
За уморот најмногу го обвинување недостигот на сон, но ако не исчезне по една или две нормално отспиени ноќи, можеби не е лошо да посетите лекар. Освен тоа, честиот умор може да пречи на вашата способност за секојдневните активности и вршење на обврските, а може да биде знак на многу болести.
Неправилно или абнормално крвавење
Иако можеби се работи за безопасно менструално нарушување предизвикано од стрес, умор или други надворешни фактори, неправилното крвавење секогаш е знак на дополнителен аларм.
Губење на тежина
Ако ненадејно сте почнале да слабеете, а не сте забележале дека помалку јадете, ниту претходно сте биле болни, можеби треба да побарате лекарска помош.
Необјаснивото губење тежина може да биде предизвикано од различни состојби како хипертиреоза или забрзана работа на тироидната жлезда, дијабетес, депресија, болести на црниот дроб, канцер или нарушувања кои ја попречуваат апсорпцијата на хранливи материи во организмот.
