Многу диети денес препорачуваат ограничен внес на масти, бидејќи се плашиме од вишок килограми и висок холестерол. Но, мастите се важни во исхраната и доколку не ги внесуваме доволно, ќе имаме повеќе проблеми кои можат да се манифестираат со сериозни симптоми, па дури и да остават последици по здравјето.
Ако не јадеме масти, телото не може да ги апсорбира витамините А, Д и К, што го зголемува ризикот од загрижувачки симптоми. Знаци дека не сте земале доволно од овие витамини се:
- отечени непца
- лесно настанување на модринки
- сува коса
- заби кои се клатат
- депресија
- болки во мускулите
- сгрутчување на крвта под ноктите
- ноќно слепило
- проблеми со плодноста
Мастите се неопходни за многу процеси во организмот, па доколку ги нема, ќе се појават и овие симптоми. Многумина дури и не знаат дека мастите се клучни за многу молекули кои дополнително градат клетки кои го контролираат одговорот на телото на воспаленија. Ако не јадеме доволно масти, може да се појават овие симптоми:
- дерматитис
- бавно зараснување на раните
- опаѓање на косата
- чести инфекции
Мастите треба да сочинуваат околу 35% од внесените калории во текот на денот, што би значело дека при диета од 2.000-2.500 калории дневно, треба да внесуваме од 66 до 97 грама масти.
Некои од нив ќе бидат заситени, како што се јајцата, месото или млечните производи, но други треба да бидат мононезаситени или полинезаситени. Таквите масти се наоѓаат во:
- маслинки
- маслиново масло
- масни видови риби
- јаткасти плодови
Затоа, внимавајте на внесот на масти бидејќи тие се всушност неопходни за телото да остане здраво, а непотребно се ослободувате од нив доколку сте на рестриктивна диета.