Ракот на панкреас во повеќето случаи воопшто не е лесно да се препознае навреме бидејќи симптомите често може да останат незабележани.
Она што е особено загрижувачко е што овој вид на рак најчесто не ги покажува првите симптоми во раните фази, поради што самата дијагноза е многу посложена.
Како што објаснуваат лекарите, кај 80 до 90 проценти од пациентите, ракот на панкреасот се дијагностицира само во доцна фаза кога состојбата е веќе доста напредната.
И покрај овие екстремно мрачни статистики, постојат некои симптоми кои се јавуваат неколку месеци пред конечната дијагноза.
Еден од најчестите први симптоми на рак на панкреасот е абдоминалната болка. Имено, бројни студии покажуваат дека 25 отсто од пациентите имаат симптоми во горниот дел на стомакот и до шест месеци пред дијагнозата на рак на панкреасот. Покрај абдоминалната болка, симптомите кои се појавуваат неколку месеци пред дијагнозата вклучуваат дијареа, запек, надуеност и гадење.
