И во шестата деценија од животот, Синди Крафорд не изгледа ни ден постара од времето кога беше еден од најбараните супермодели.
На доделувањето на InStyle наградите, таа ги одушеви присутните појавувајќи се со ќерка ѝ Каја Гербер.
Во долги тоалети, мајката и ќерката изгледаа како да се врснички, што и многумина го мислат.
„Ова е сензационално, дали е ова натпревар, вие ли сте победнички, изгледате како сестри“, се дел од коментарите.
За 20-годишната Каја многумина велат дека е копија на мајка ѝ. Во интервју за Vogue во 2019 година, девојката призна дека најголем комплимент за неа е што луѓето ја споредуваат со мајка ѝ.
„Најголем комплимент ми е кога ми велат дека сум иста како мајка ми. Покрај нејзината убавина и привлечност, поради нејзината добрина, отсекогаш ми била пример во животот“, изјави тогаш Каја.
Синди Крафорд е во брак со Ренди Гербер од 1998 година и заедно ги имаат ќерката Каја, која веќе тргна по стапките на мајка си, како и синот Присли, кој исто така е манекен.
