Синер ја освои петтата голема титула сезонава и се зацврсти на врвот на АТП

Италијанскиот тенисер Јаник Синер ја продолжи сезоната од соништата освојувајќи го Мастерс 1000 турнирот во Синсинати победувајќи го Френсис Тиафо во два сета со 7:6 (4) и 6:2.

Моментално најдобриот тенисер на светот, според АТП листата, го освои петтиот турнир од 11 што го играше годинава, а Тиафо, освен борбата во првиот сет, не беше достоен ривал и тоа пред својата публика.

Во првиот сет видовме вистинска борба и одлични сервиси од двете страни. Во 12 гема немаше брејкови, па сетот беше одлучен во тај-брејкот.

Таму подобро се снајде младиот Италијанец, кој освои 3 поени на сервис на противникот и со 7:4 во тај-брејкот поведе во дуечот.

Вториот сет беше рутинска работа. Веќе во првиот гем направи брејк, а потоа го удвои при резултат 3:1 и лесно го приведе мечот до крај со резултат 6:4.

Така Италијанецот стигна до својата петта титула во 2024 година, но и 15-та во кариерата, со која се зацврсти на врвот на АТП листата.

Да потсетиме, синоќа на истиот турнир женската титула ја освои третата тенисерка во светот, Арина Сабаленка, која ја совлада и миленичката на тамошната публика. Белорусинката беше подобра од Џесика Пегула со 2:0, по сетови 6:3 и 7:5.