Најстариот син на Дејвид и Викторија Бекам сѐ уште се обидува да го пронајде својот пат кога е во прашање професијата со која сака да се занимава во животот, а во моментов во таа насока се обидува да ја насочи својата страст за готвење.
Токму поради тоа што веќе „зачекорил“ во светот на возрасните, а сè уште не нашол занимање со кое ќе се бави, често е мета на потсмев.
Сега тоа се повтори и во најновата објава на неговиот Instagram, каде 23-годишникот ги покажа своите вештини во правење домашна пица.
На видеото се гледа како Брукилн ги меша вообичаените состојки за тесто - брашно, квасец и маслиново масло со чаша вода. Тестото го остави да отстои пред да го рассука, а на друга страна правеше сос од домати и испржи печурки. Откако ги нареди состојките и ја испече пицата, ја украси со листови босолок.
Иако неговата сопруга Никола Пелц остави коментар во кој му изразува поддршка на сопругот, судејќи според другите реакции, следбениците не се воодушевени.
Тие се осврнаа на состојките кои младиот готвач ги користи при правењето пица.
„Сериозно? Основата за твојот сос се конзервирани домати и свеж лук?“, е еден од коментарите.
Други корисници истакнаа и дека пицата изгледа „недоволно испечена“.
„Оваа пица изгледа ужасно“, напиша еден корисник, додека друг му рекол на младиот Бекам „да престане да готви“.
Инаку, ова не е прв пат да го исмејуваат Бекам. Неодамна беше запрен на улица возејќи скап автомобил и го прашале што работи за живот што успеал да си дозволи таква кола, а тој одговорил дека е готвач.
„Еј човеку, со што се бавиш? Колата ти е супер“, го прашал Бруклин тиктокерот Дениел Мек откако го видел зад воланот на неговиот автомобил.
Застанувајќи за момент, тој одговори: „Јас сум готвач“, што поттикна голем број саркастични коментари на социјалните мрежи.
Некои истакнаа дека Бруклин „никогаш во животот не работел смена во ресторан“, но дека „се издвојува“ по тоа што е роден во мултимилионерско семејство, како и фактот дека сега е во брак со ќерка на милијардер.
