Максимилиан Ибрахимовиќ (18), синот на поранешниот шведски репрезентативец Златан, ќе игра за јуниорската репрезентација на Шведска, соопштија од тамошната федерација.
Младиот Ибрахимовиќ настапува за јуниорскиот тим на Милан, а за прв пат во кариерата ќе игра за репрезентација на Шведска.
Според неговите корени, тој има право да игра и за репрезентацијата на Босна и Херцеговина, но реши да тргне по стапките на својот татко.
Максимилиан дојде во Италија во јули летоска и има можност да ги одмери силите со најдобрите млади играчи во оваа земја.
„Тој одлично започна во Примавера. Тоа е добра можност за нас да го видиме во нашата средина“, изјави тренерот на репрезенмтација на Шведска до 19 години, Андреас Петерсон, за шведски Expressen.
Инаку, јуниорската репрезентација на Шведска за неколку дена ќе одигра два натпревара во Шпанија против селекциите на Јапонија и САД.
