Брони Џејмс, синот на легендарниот Леброн, синоќа се претстави пред НБА тимовите заедно со другите кандидати на НБА драфт комбото.
На НБА драфт комбото, играчите кои влегуваат на НБА драфтот пред НБА скаути изведуваат бројни вежби кои им даваат можност на клубовите да ги видат кошаркарите од прва рака кои би можеле да ги интересираат.
Иако неговите настапи во текот на сезоната за Универзитетот „Јужна Калифорнија“ не привлекоа големо внимание кај НБА тимовите, фактот што Леброн му е татко ги натера сите новинари со голем интерес да го следат неговиот настап на НБА драфт комбото.
Веднаш на почетокот, на првото мерење се најде во центарот на вниманието. Имено, Брони беше официјално пријавен како дефанзивец висок 195 см (6'4''), но се покажа дека е висок 186 см (6'1''), што е навистина голема разлика.
Сепак, тој се претстави многу добро во пракса и многу НБА скаути се задоволни од она што го видоа.
Неговиот вертикален одраз е дури 103 сантиметри (40,5 инчи). За споредба, неговиот татко има одраз од 112 сантиметри (44 инчи).
Покрај скокот, Брони се покажа и како одличен шутер. На официјалниот тренинг реализираше дури 19 од 25 тројки, што е исклучително добар резултат.
И покрај тоа, експертите не предвидуваат дека Брони ќе биде избран во првата рунда на драфтот, која ќе се одржи ноќта меѓу 26 и 27 јуни во Бруклин.
Како што сега стојат работите, најреално е тој да биде избран од Лос Анџелес Лејкерс како 55-ти пик за да игра со својот славен татко.
