Кристијано Џуниор, најстариот син на славниот фудбалер Кристијано Роналдо, стана хит на интернет поради видео во кое го исмеа Манчестер јунајтед.
Кристијано остави голема трага во овој клуб, со него освои Златна топка, а и денес е член на славниот англиски клуб. По неговите стапки тргна и Кристијано Џуниор, кој пред неколку дена потпиша договор со Јунајтед.
Талентираниот син на Роналдо ќе го носи истиот број на татко му.
Сега, неговиот скорешен гаф стана хит на социјалните мрежи. Во видео направено со негов другар, Роналдо Џуниор негативно коментира за клубот, додека ги потврдува зборовите на соговорникот.
Додека другарот поставуваше прашања, во еден момент порача: „Јунајтед е сра*е, зарем не“, на што Роналдо Џуниор одговори потврдно и се насмеа.
Судејќи според коментарите, на навивачите на Манчестер јунајтед не им е баш мило поради исмејувањето, но не му замерија премногу на талентираниот фудбалер поради неговите години.
