Каи Руни, синот на поранешниот голгетер Вејн Руни, на само 11-годишна возраст потпиша за клубот чии бои ги бранеше неговиот татко.
Руни стана легенда на „Олд Трафорд“ минувајжи 13 години и играјќи над 500 натпревари со вкупно 253 голови. Сега неговиот син го направи првиот чекор кон целта, да го повтори успехот на неговиот татко.
Неговиот син синоќа стави потпис на младински договор во присуство на тато Вејн и мама Колин.
„Ден за гордост. Каи потпишува за Манчестер Јунајтед. Продолжи со добрата работа сине“, напиша Руни на Twitter.
Каи е најголемото дете во семејството Руни. Тој има две братчиња, 4-годишниот Кит и двегодишниот Кас.
Руни од 2017 година не е дел од Манчестер Јунајтед. Сега има 35 години и настапува за Дерби Каунти, клуб од Чемпионшип, каде се проба паралелно и како в.д. тренер.
