Сириски бегалец се здобил со тешки изгореници откако денеска се обиде да се запали на егејскиот остров Хиос, каде што престојуваат илјади бегалци блокирани со договорот меѓу Европската унија и Турција, пренесува новинската агенција ANA.
Мажот, кому 90 отсто од телото му е изгорено, треба во текот на вечерта да биде пренесен во една од болниците во Атина, прецизира агенција.
Се обидел да се запали протестирајќи против задржувањето на островот Хиос, додека му се разгледува молбата за добивање азил. Го спасил полицаец, кој и самиот е хоспитализиран поради изгореници, се додава во извештајот.
Еден бегалец на почетокот од седмицава се обеси на мост во близина на Атина, а полицијата ги истражува причините за неговата смрт.
Хуманитарните организации постојано предупредуваат на сè поголемиот очај меѓу десетиците беглаци и мигранти кои се блокирани во Грција.