Илјадници документи на ЦИА за неидентификувани летечки објекти ѝ се сега достапни на јавноста и тоа за симнување преку интернет. Агенцијата тврди дека документите ги содржат сите информации кои биле собирани во врска со овој неразјаснет феномен.
Документите се објавени на веб-страницата наречена Црн сеф која ја води активистот за слобода на информирање, Џон Гринвалд Џуниор.
Архивата е создадена благодарение на Гринвалд кој има испратено десетици илјади барања за достапност на тајните информации изминативе години, а и рачно пребарувал низ илјадници документи. Повеќе од два милиони страници се прикачени на неговата веб-страница.
Некои од извештаите се стари неколку декади, а ЦИА тврди дека објавените документи се сѐ што агенцијата има за феноменот НВФ (неидентификуван воздушен феномен), како што од неодамна владата на САД ги нарекува НЛО. Сепак, Црниот сеф потенцира дека нема како да се докаже дека ЦИА не лаже и дека не постојат уште документи.
Во документите можат да се најдат извештаи за случки досега непознати за јавноста кои ЦИА успеала умешно да ги сокрие.
