По повеќечасовна драма која неодамна се одвиваше на аеродромот Схипхол во Амстердам, а во која се сомневаше дека се работи за киднапирање, компанијата AirEurope објави дека станува збор за лажен аларм.
На летот Амстердам - Мадрид по грешка беше испратен аларм кој се испраќа во случај на киднапирање. Ништо не се случи и сите патници се безбедни, стои во соопштението на AirEurope.
„На летот за Амстердам - Мадрид во текот на попладнето по грешка е испратен аларм кој се вклучува во случај на киднапирање. Сите патници се безбедни и се чека полетувањето на авионот. Жал ни е за настанот“, стои во соопштението на компанијата.
Неколку часа подрачјето на аеродромот беше затворено, а интервенираше и хеликоптер. Холандската полиција соопшти дека во е тек е истрага за сомнителна ситуација во еден од авионите.
Овој случаен инцидент предизвика исмејување на социјалните мрежи.
„Во секој случај, барем знаеме дека копчето функционира“, стои во еден од коментарите на Twitter.
