Полициските службеници досега констатирале вкупно 26.450 прекршоци за неносење лична заштита на лицето за превенција на зараза со COVID-19, од кои 474 прекршоци се евидентирани во изминатото деноноќие.
Во координација со Државниот пазарен инспекторат, во текот на изминатото деноноќи извршени се 85 контроли во објекти при што евидентиран е 1 објект кој не ги почитувал одлуките на Владата.
На територијата на целата држава на вкупно 205 лице им се издадени решенија за изолација, а 5 лица потпишале изјави за самоизолација. Извршени се контроли кај лица во изолација и самоизолација при што не се евидентирани лица кои не ги почитувале овие мерки, извести министерот за внатрешни работи Наќе Чулев.
Тој во објавата на социјалните мрежи додаде дека полициските службеници се во првите редови во справување со пандемијата и во континуитет преземаат мерки за контрола на почитување на одлуките на владата.
Чулев повторно апелираше до сите граѓани да ги почитуваат мерките за заштита од коронавирусот и „сите заеднички да придонесеме што побрзо животот да биде вратен во нормала“.