Прва победа во новата сезона за „Граѓаните“ и тоа на тешкото гостување кај тимот на Вулверхемптон.
Манчестер Сити новата сезона ја почна од 2. коло откако во првото доби поштеда поради настапите во завршницата од Лигата на шампионите минатата сезона.
На празниот „Малињу“ стадион во Вулверхемптон, тимот на Пеп Гуардиола дојде до важни 3 бода против тимот кој минатата сезона се покажа како тврд орев за великаните.
Резултатот го отвори Кевин Де Брујне во 20. минута од пенал откако претходно самиот го изнуди по фаулот на Мароканецот Ромен Саис. Дванаесет минути подоцна на 0:2 зголеми Фил Фоуден.
Во 78. минута надеж за домаќините врати Раул Хименес по одличното нафрлување на Даниел Пуденсе, но до крајот Вулвс не успеа да израмни и наместо тоа прими трет го во 5. минута од судиското надполнување кога Габриел Жезус погоди за конечни 1:3.