Реал Сосиедад и Реал Мадрид од 21 часот ќе одиграат натпревар од петтото коло на Ла Лига.
Тренерот на Реал Мадрид, Карло Анчелоти, има големи проблеми во пресрет на гостувањето во Сан Себастијан бидејќи дури осум негови играчи се повредени. Меѓу нив се играчите од средниот ред Џуд Белингем (повреда на мускулот), Едуардо Камавинга (повреда на коленото), Орелјан Чоамени (повреда на стапалото) и Дани Себаљос (истегнување на скочниот зглоб).
Шпански AS затоа најавува дека во стартниот состав сигурно ќе биде капитенот Лука Модриќ (39), кој сезонава забележа пет настапи за Реал. Стартер беше само против Лас Палмас, а играше против Мајорка (27 минута), Реал Ваљадолид (21 минута) и Бетис (шест минути) во шпанскиот шампионат и Аталанта (14 минути) во Суперкупот на УЕФА.
„Комилото ќе биде во рацете на Лука, кој стартуваше само еднаш оваа сезона, против Лас Палмас. Сега кога Камавинга, Чуамени и Белингам се во амбуланта, ситуацијата го турка на терен, нема дебата. Валверде ќе му помага, тој ќе игра подефанзивно од вообичаено“, вели AS, додавајќи дека единствениот сомнеж кај Анчелоти е дали да стартува Арда Ѓулер или Брахим Дијас од првата минута.
Да потсетиме, Модриќ минатата сезона стана резервен играч на Реал, додека летово потпиша нов, едногодишен договор. Пред пет дена го прослави својот 39-ти роденден, а ден претходно постигна одличен гол од слободен удар за победа на Хрватска над Полска (1:0) во второто коло од Лигата на нации.
Тој во мадридскиот клуб пристигна во 2012 година и досега освои сè што можеше. Откако летово Начо Фернандес го напушти клубот, Модриќ стана прв капитен.
AS соопштува дека во стартните 11 на Реал Сосиедад ќе биде и Лука Сучиќ, 22-годишниот хрватски репрезентативец и офанзивен играч за врска кој летово пристигна од РБ Салцбург. Тој потпиша петгодишен договор и досега забележа еден настап, седум минути против Рајо Ваљекано. Против Реал, значи, би можел првпат да стартува од првата минута.
