Бизнис

Сѐ за профит: Reuters ќе отпушти 3.200 вработени

5. декември 2018 - 12:27 | МИА

Thomson Reuters, една од најголемите новински агенции во светот, планира да отпушти 3.200 вработени, што претставува 12 отсто од вкупниот број на вработени и да го намали бројот на редакциите за една третина, од 185 до 133.

Како што соопшти компанијата, главна причина за оваа мерка, која треба да биде спорведена до крајот на 2019 година, е намалување на трошоците.

Покрај ова, планирано е и намалување на обемот на објавуваните содржини и оптимизација на организациската структура.

Холдингот смета дека со овие мерки трошоците ќе се намалат за 7 до 8 отсто и дека ќе се постигне раст на профитот до 4,5 проценти до 2020 година.

Агенцијата Reuters е формирана во Лондон во 1851 година. Од 2008 година нејзин основен сопственик стана канадската медиумска групација Thomson.

По спојувањето новата компанија беше наречена Thomson Reuters.

Коментирај