СЈО бара притвор за Тони Јакимовски, обвинет во случаите „Таргет“ и „Тврдина“

Во пакетот жалби што ги разгледува денес Апелациониот суд се најде и таа на Тони Јакимовски, поранешен шеф на Кабинетот на директорот на Управата за безбедност и контраразузнување, кој е обвинет во случаите „Таргет“ и „Тврдина“.

Јакимовски се жали за одземање на пасошот, а СЈО за тоа што  му е одземен само пасошот, иако тие бараа да му се определи притвор. Процесот го водат судиите  Љиљана Ивановска Шопова, Сафет Кадрии и Цветанка Периќ.

Обвинителката од СЈО, Ленче Ристоска, побара на Јакимовски да му се изрече мерка притвор  бидејќи постои  очигледна опасност  да побегне,  со оглед на тоа дека има  работен ангажман во Романија, во меѓународниот центар СЕЛЕК. Покрај тоа, нагласи Ристоска, тој има дипломатски пасош и може да го искористи.

Како поранешен началник за координација, додека бил шеф на кабинетот на Сашо Мијалков, рече Ристоска, тој може да влијае врз сведоците, бидејќи дел од нив биле под негова хиерархија. Покрај тоа, образложи таа, кривичното дело што му се става на товар е сериозно, со две споени истраги.

Петар Василев, еден од адвокатите на Јакимовски, изјави дека наодите од жалбата на СЈО се неосновани бидејќи  Јакимовски работи во центар каде што се поврзани 12 полиции и 12 царини и ако судот му определи притвор, тој ќе ја загуби работата, така што Македонија ќе загуби професионалец. Тој уште додаде дека Јакимовски синоќа се вратил од Америка само за да се појави во судот.

Трајче Пеливанов, обвинител на СЈО, објаснувајќи ја тежината на стореното дело соопшти дека штетата од уништувањето на опремата за прислушување, на што се однесува обвинението, е  1,4 милиони евра и дека таа е потврдена од вештаци.

Василев се спротивстави со оценка дека вештачењето било  извршено спротивно на Законот за кривична постапка. Јакимовски, пак,  тврдеше дека не е виновен, дека не одбегнал ниту едно соочување во СЈО и дека нема  контакти со посочените сведоци.

„Ме товарат за потпишани документи. Јас не бегам од правдата. И покрај честите патувања, се јавувам во СЈО“, рече тој.

Јакимовски е еден од двајцата началници во УБК  што е обвинет во предметот „Тврдина“, покрај  ексминистерката за внатрешни работи Гордана Јанкулоска. Тие во 2015 година противзаконски уништиле системи за следење на комуникации, при што е нанесена штета на државата во висина од околу 10 милиони евра. Истите системи претходно биле користени за незаконско следење и прислушување.

Случајот „Таргет“ се однесува на прислушувањето на  илјадници луѓе во периодот од 2008 до 2015 година од страна на Управата за безбедност и контраразузнавање. Вкупно десет лица, дел од кои поранешни високи функционери се осомничени дека го организирале и го координарале незаконското прислушување.

реклама

Зошто треба да ставите алуминиумска фолија зад рутерот?

Read more

Голем месечен хороскоп за април 2024: Ретрограден Меркур им ги мрси конците на неколку знаци

Read more

Едноставен и брз метод: Белите патики повторно ќе изгледаат како нови

Read more

Како е поврзано пиењето кафе со ракот на дебело црево?

Read more

Македонија

ВМРО-ДПМНЕ: Растот на платите со кои се фали Битиќи е лага, платите се стопија со порастот на трошоците на живот

Read more

Села оди во коалиција со Ахмети

Read more

Македонија треба да ѝ врати 2,2 милиона евра на Европската комисија - биле злоупотребени преку Еразмус+

Read more

Апасиев: НАТО не носи демократија, НАТО е кршач на меѓународното право и Повелбата на Обединетите нации

Read more
 

Вести

  • play_arrow

Огромна дупка во Рим проголта два автомобила

Читај повеќе

Госпоѓиците од Авињон на сцената на Националната опера и балет

Читај повеќе

ВМРО-ДПМНЕ: Растот на платите со кои се фали Битиќи е лага, платите се стопија со порастот на трошоците на живот

Читај повеќе

Села оди во коалиција со Ахмети

Читај повеќе

Македонија треба да ѝ врати 2,2 милиона евра на Европската комисија - биле злоупотребени преку Еразмус+

Читај повеќе

Хоспитализирана 71-годишна скопјанка, jа нападнале две лица

Читај повеќе
  • play_arrow

Апасиев: НАТО не носи демократија, НАТО е кршач на меѓународното право и Повелбата на Обединетите нации

Читај повеќе

Во Франција за Велигден ќе биде распоредена полиција пред секоја црква

Читај повеќе

Расправија за паркинг во Аеродром прераснала во голема тепачка

Читај повеќе