Обвинителите на СЈО пред кривичниот совет ги повториле барањата, за определување притвор за бизнисменот Сеат Кочан.
Еден од наодите, поради кој не отстапуваат од барањето Кочан да биде притворен, е фактот дека „Трансмет“ сѐ уште добива тендери од државата и Кочан може да го повтори делото.
Адвокатот на одбраната Никола Додевски, изјави дека е понудена екстремно висока гаранција за слободата на Кочан, од 1 милион евра и очекува Кривичниот совет да ја потврди одлуката на судијата на претходна постапка и да не му определи притвор на Кочан.
Истекува рокот од 48 часа во кој судот конечно треба да одличи дали бизнименот ќе остане на слобода.
