Специјалното јавно обвинителство предложи 1.560 докази против Сеад Кочан и другите обвинети во предметот „Труст“.
Меѓу нив има три телефонски разговори. Два разговора, кои не се јавно објавени, се меѓу поранешниот генерален секретар на Владата, Кирил Божиновски, и поранешниот директор на ЕЛЕМ, Влатко Чинговски, а третиот разговор, кој е јавно објавен, е воден меѓу експремиерот Никола Груевски и Влатко Чинговски.
Во доказите на СЈО има фактури, договори, уплати и сметководствена евиденција.
Судијката на денешното рочиште во кривичниот суд го одби предлогот на одбраната трите бомби да не бидат докази во постапката и го прифати предлогот цедето од обработените банкарски сметки да не биде доказ во постапката.
Следното рочиште е закажано за 30 ноември, а на него како сведок ќе биде сослушан Васил Ристовски, управител на „Силекс неметали“.