Кошаркарите на Грузија синоќа ја забележаа првата победа на Евробаскетот совладувајќи ја селекцијата на Турција со резултат 88:83, но резултатот од оваа игра целосно падна во втор план.
И за време на средбата беше многу драматично, победникот беше решен по продолженија, а на теренот за малку ќе дојдеше до физичка пресметка.
Страстите донекаде успеаја да се смират, а потоа на крајот од играта во соблекувалната наводно бил нападнат и турскиот репрезентативец Фуркан Коркмаз кој исто така учествувал во тепачката на паркетот.
„Доколку не се прикажат снимките од безбедносните камери, ќе го напуштиме овој турнир“, се закани потпретседателот на Кошаркарскиот сојуз на Турција, Омар Онан.
Сето тоа го откри турскиот селектор Ергин Атаман, а неговиот помошник Хакан Демир на прес-конференцијата изјави дека по натпреварот дошло до конфликт меѓу Коркмаз и тројца неименувани грузиски репрезентативци.
„Во моментот кога Коркмаз одеше во соблекувалната со нашиот тренер, грузиските играчи кои не беа во активниот ростер го нападнаа заедно со суспендираниот играч и полицијата. Играч што оди кон соблекувалната не треба да биде нападнат. По средбата се степавме со грузиската полиција која нè принуди на тоа. Ја повикувам ФИБА да дејствува. Никој да не се залажува дека сме глупи. Ќе ни донесат снимки од тој ходник и нема да пропуштиме ни минута“, рече Онан.
Останува да видиме како ФИБА ќе го реши овој хаос на Евробаскетот.