Нов скандал е на повидок во тенискиот свет, овој пат во режија на Александар Зверев.
Германецот во недела на мечот против Јаник Синер играл со настинка и температура.
Настана проблем бидејќи светскиот рекет број 7 призна дека во текот на мечот имал проблеми со дишењето, но и висока температура.
„Многу сум настинат“, рече Зверев по завршувањето на мечот.
„Не можам да дишам, не требаше да играм“, рече германскиот тенисер.
Организаторите на Ролан Гарос објаснија дека Зверев се тестирал во петок и резултатот бил негативен. Тие го чекаат новиот резултат и доколку Зверев е позитивен, Грен слемот во Париз ќе се соочи со проблеми.