АТП турнирот во Истбурн никогаш не бил меѓу најсилните и најелитните, но секогаш го привлекувал вниманието на најдобрите светски тенисери бидејќи се игра во еден од најпрестижните туристички центри во Англија.
Истбурн важи за најелитниот туристички центар на југот на Англија, каде дури и кралицата Елизабета Втора има свој имот, а прекрасните плажи и долгото крајбрежје отсекогаш ги привлекувале тенисерите на турнирот што се игра во пресрет на Вимблдон. Сепак, овогодинешниот турнир нема да биде запаметен по добрите Педро Мартинез и Диего Шварцман.
Разбојниците ги ограбиле собите на двајцата тенисери со разлика од 15 минути, па постои сомневање дека е истиот сторител.
„Кога дојдов во собата, видов дека часовникот ми го нема. Отидов низ собата барајќи го, а потоа ја пријавив кражбата на рецепција. По 15 минути дојде Диего и рече дека истото му се случило и нему. Ми го украдоа часовникот, а на Диего некои навистина скапи предмети. Имав лоша ноќ и тоа е единствената вистина, не можев да заспијам. Беше тешко да се игра“, изјави Мартинез, инаку 49. тенисер во светот.
Тој рече дека часовникот има голема сентиментална вредност бидејќи го купил кога првпат пристигнал во третото коло на Ролан Гарос.
„Имаше голема сентиментална вредност. Мислам дека нема да го најдат крадецот бидејќи нема камери во ходниците“, изјави Мартинез за The Guardian.
Шварцман остана без многу работи и објави сè на социјалните мрежи.
„Многу скапоцености ми беа украдени во хотелот во Истбурн. Останав без пасош, кредитни картички и многу скапоцености. Не е лесно да се размислува за сè бидејќи хотелот не сака да преземе одговорност за овој скандал“ напиша Шварцман.