Веб-страница за истражувачко новинарство го објави, како што тврди, вистинскиот идентитет на еден од двајцата осомничени за труењето на поранешниот двоен агент Сергеј Скрипал со нервен гас во Салсбери, Англија.
The Bellingcat group тврди дека мажот идентификуван како Руслан Боширов е всушност полковник Анатолиј Чепига.
Британските служби не го коменираа објавениот текст, а според изворите на BBC, откритието не е спорно.
Чепига (39) бил одликуван на тајна свеченост во 2014 година, со највисоката почест на Руската армија лично од претседателот Владимир Путин, по неговата служба во Чеченија и во Украина.
Со ова се демаскира тврдењето дека двајцата осомничени биле само невини цивили дојдени во туристичка посета на Британија
Чепига и вториот осомничен, идентификуван како Александер Петров, инсистираа дека биле дојдени како туристи во Салсбери каде беа отруени Скрипал и неговата 33-годишна ќерка Јулија.
Кралското обвинителство ги товари двајцата за обид за убиство на Скрипал и ќерка му, а исто така за нив се издадени европски налог за апсење и црвен налог од Интерпол.
Високиот чин на Чепига е уште една индикација дека нападот бил нарачан од највисоките ешалони на руската влада, теорија што подолго време ја застапуваат британската влада и нејзините сојузници.
Чепига е роден на 5 мај, 1979 година во селото Николаевка, источна Русија. Во 2001 година завршил воена школа и три пати служел во Чеченија каде се закитил со над 20 награди за неговата служба.
Тој служел 17 години во специјалната единица Спецназ, а потоа работел на тајни задачи.
Имал околу 35 години кога го добил Херојскиот орден за „мировната мисија“ во Чеченија, што е исклучително млада возраст за такво одликување.
