Американскиот производител на авиони Boeing забележа голем пад на нарачките и испораките во првиот квартал, а тие за 737 Max се сведени на нула по двете катастрофални авионски несреќи и повлекувањето на тој тип авиони од сообраќај во целиот свет.
Boeing во првите три месеци годинава забележал вкупно 95 нарачки на авиони, што е за половина помалку од истиот период минатата година.
Вкупно се испорачани 149 авиони, 19 отсто помалку отколку во првите три месеци во 2018 година. Бројот на испорачани авиони од типот 737 Max паднал за околу 33 отсто, со испорачани само 11 летала.
Тој авион водеше по број на нарачки се до урнувањето на авионот на Ethiopian Airlines на 10 март, кога загинаа 157 лица. Четири месеци претходно авион Boeing 737 Max се урна и во Индонезија, при што загинаа 189 луѓе.
Анализите покажа сличности помеѓу овие две несреќи и 737 Max беше повлечен од сообраќај ширум светот. Boeing беше принуден да ги замрзне испораките на авионот, кој дотогаш водеше по бројот на нарачки меѓу неговите модели.
Сѐ уште не се знае кога 737 Max повторно ќе лета. Глобални регулатори, вклучувајќи ги и кинеските, соопштија во меѓувреме дека ќе се вклучат во работата на американската Федерална авијациска служба која ќе се обиде да утврди дали авионот е безбеден за употреба.