Škoda објави фотографии од нов модел, кој е наменет строго за кинескиот пазар.
Kamiq ќе дебитира на саемот на автомобили во Пекинг, кој ќе започне на 25 април.
За разлика од останатите два SUV модели, Kodiaq од 2016 година и Karoq од 2017 година, Škoda Kamiq е наменет само за потрошувачите во Кина.
Надворешниот дизајн на автомобилот го следи стилскиот образец кој е воспоставен во претходните два модели, додека внатрешноста (за сега прикажана само на скици), е нешто поинаква од ентериерот на моделите Kodiaq и Karoq.
Škoda и остана доследна и на номенклатурата, па така името на возилото Kamiq почнува со буквата „K“, а завршува со „Q“, како што е случај и кај претходните SUV модели.
Техничките детали за сега не се објавени, а се очекува Kamiq да користи 1,5 литарски бензински мотор, со помош на кој се движи и верзијата на моделот Rapid за кинескиот пазар.
Иако Kamiq нема да пристигне во Европа, од Škoda од порано најавија дека на европскиот пазар сепак ќе биде понуден уште еден SUV.
Во прашање е продукциската верзија на концептот Vision X, прикажан на саемот на автомобили во Женева во март 2018 година.
Тој модел во продажните салони во Европа ќе се најде во 2019 година.