Kodiaq ја докажа својата разноврсност со тоа што стана место за слетување на хеликоптер. Требаше само да се инсталира соодветна платформа на покривот на автомобилот.
Од Škoda велат дека сребрениот Kodiaq претрпел само минимални модификации за слетување на хеликоптерот. Промените се дело на моделарите од одделението Škoda Design и експерти од секторот за прототипи EGV.
Заедно тие изградија платформа прикачена на решетките на автомобилот.
„Тоа е челична конструкција дизајнирана за рамномерна распределба на товарот. Прицврстена е на рамката на покривот каде што обично се прицврстени шините на покривот. Површината на платформата е направена од дрвени табли“, вели Петр Ербен, еден од моделарите.
Иако хеликоптерот Robinson R22 тежи повеќе од половина тон со платформата за полетување и слетување, конструкцијата на Kodiaq, наводно, не треба посебно да се зајакнува. Само задната оска на возилото е зајакната.
Откако завршија сите подготовки, следниот чекор беше да се спушти хеликоптерот на покривот. По статичкиот тест, кога хеликоптерот едноставно беше поставен на автомобилот, хеликоптерот полета со искусниот пилот Јан Чермак и безбедно слета на покривната платформа на теренецот.
Ова не беше првпат хеликоптер да слета на покривот на автомобил Škoda.
Имено, во 2011 година хеликоптер слета на платформа поставена на покривот на моделот Yeti во една од епизодите на популарното шоу Top Gear на BBC.
Зад воланот на Yeti беше тогашниот водител на емисијата, Џереми Кларксон, а куриозитет беше дека слетувањето беше изведени додека автомобилот беше во движење.