На автомобилскиот саем во Женева, чешкиот производител ќе го претстави концептот Vision X како вовед за нов, мал SUV модел кој ќе влезе во производство.
По големиот Kodiaq и компактниот Karoq, Škoda подготвува и трет SUV, кој ќе биде позициониран под овие два.
Пред светската премиера која е закажана за почетокот на март во Женева, Škodа објави и дизајнерски скици од возилото.
Škodа го опишува како „урбан кросовер”, а цртежот кој ја прикажува внатрешноста открива модерно дизајнирана кабина, со голем екран на допир и речиси без ниту една физичка команда.
Наместо класична инструмент табла со аналогни индикатори, одбрана е дигитална, која веќе може опционално да се нарача во моделот Karoq.
Повеќе детали за Vision X ќе бидат познати по светската премиера на почетокот од март.