И покрај тоа што извршниот директор на Škoda, Томас Шафер, минатиот декември официјално потврди дека се подготвува новата Fabia караван, чешкиот произведувач на автомобилни наводно се откажа од овој модел.
Се шпекулира дека оваа одлука е донесена за да Škoda ги исполни строгите европски стандарди за емисија на издувни гасови, но и дека ќе се ориентираат кон производство на електрични автомобили.
Повикувајќи се на локалната новинска агенција ČTK, сајтот auto.cz пренесува дека управата на Škoda им испрати писмо на вработените во кое го најавува укинувањето на моделот Fabia караван.
Сè помалку произведувачи на автомобили имаат каравани во Б-сегментот бидејќи купувачите повеќе купуваат хетчбек и SUV модели.
Пред наводното откажување, официјално беше потврдено дека новиот модел ќе почне да се произведува во 2023 година.
Останува да видиме дали овие информации се точни или станува збор за шпекулација.