Македонската метропола блесна во новогодишен сјај. Корона-кризата не е причина граѓаните да можат барем малку да осетат празнична атмосфера, онаква каква што само овој дел од годината мoже да ја направи.
Центарот на Скопје светна во полн новогодишен сјај. Традиционално и оваа зима, иако во вонредни околности, на градскиот плоштад се постави новогодишното осветлување, заклучно со вклучувањето на големата новогодишна елка во самиот центар.
„Оваа година, дури и повеќе од останатите е убаво да се потсетиме дека Новата Година симболизира испраќање на старата и дочекување на нови почетоци со нови позитивни желби. А оваа прекрасна празнична атмосфера која секоја година е извор на неизмерно уживање и радост за најмладите би требало да послужи да нѐ потсети токму на тоа“, напиша градоначалникот Петре Шилегов на својот Facebook профил.
Фото: Град Скопје
