Скопје Прајд ќе се одржи на 26 јуни под слоганот „Вон ѕидовите!“

Втората Парада на гордоста во Скопје ќе се одржи на 26 јуни 2021 (сабота), во организација на Националната мрежа против хомофобија и трансфобија (НМХТ). Рутата на Прајдот, како и други организациски детали, ќе бидат дополнително споделени со јавноста во текот на идната недела.

„Оваа година Парадата на гордоста повторно се враќа на улиците, во физичкиот јавен простор. После првата, успешно и беспрекорно спроведена парада во 2019 година, пандемијата нѐ принуди сите минатогодишни настани за одбележување на Месецот на гордоста да ги одржиме онлајн. Неизвесноста во која нѐ втурна пандемијата е сѐ уште присутна, но среќни сме што состојбата се стабилизира и што оваа година имаме шанса повторно гордо да зачекориме по скопските улици“, велат од Организацискиот одбор на Скопје Прајд.

Слоганот на овогодишната скопска парада на гордоста е „Вон ѕидовите!“, а организаторите го објаснуваат слоганот со фактот дека ЛГБТИ+ заедницата, „како ретко која друга група граѓани, добро ја познава изолацијата и често искусува живот скриен меѓу ѕидовите на нашите мали, приватни простори“.

„Имајќи предвид дека парадите на гордоста имаат за цел да ја зголемат видливоста на нашата заедница, слоганот ‘Вон ѕидовите!’ го посветуваме на сите ЛГБТИ+ луѓе кои гордо и достоинствено ќе се приклучат на поворката, но и на сите оние кои од различни причини не можат да бидат отворени и да бидат дел од парадата, давајќи им поддршка и ветување дека здружно ќе продолжиме да работиме на рушење на ѕидовите и креирање нов и подобар свет за сите нас. Конечно, слоганот ‘Вон ѕидовите!’ го посветуваме и на сите луѓе во нашата земја, бидејќи изолацијата и затвореноста меѓу ѕидови е нешто што заедно го искусивме и чие надминување стана заедничка цел и желба.“

Парадата на гордоста е славење на слободата, различноста, прифаќањето, љубовта. Во овие тешки и комплицирани времиња, потребно е, повеќе од кога било, да ги реафирмираме стремежите кон посолидарно, похумано и поправедно општество. Воедно, парадата испраќа порака дека место под сонцето има за секого; таа е и протест и прослава, и болка и радост, и врисок и мелодија. Да останеме свои и да ги поддржиме оние кои тоа засега не го можат, стои понатаму во објавата.

Првата Парада на гордоста во нашата земја се одржа на 29 јуни, 2019 година во Скопје, со голем број поддржувачи од земјава и странство и јавни личности. Парадата тогаш се одржа под засилено полициско обезбедување, а интерес за настанот имаше не само од домашните, туку и од странски медиуми.

реклама

Порно ѕвезда ги открива најголемите лаги за индустријата за возрасни

Read more

Роналдо ја открива програмата на која ги должи неверојатното тело и форма

Read more

Три хороскопски знаци кои ги чека голема среќа во август

Read more

Интересни факти кои веројатно не ги знаете за машкиот оргазам

Read more

Македонија

Дневен ковид биланс: 54 нови случаи oд 3.764 тестирања

Read more

Трговијата со луѓе за сексуална експлоатација е доминанта форма во Македонија

Read more

Скопје се топи на +40°C, Брзата помош има стотина интервенции дневно

Read more

Скопјани добиваат поевтино парно греење

Read more
 

Вести

Дневен ковид биланс: 54 нови случаи oд 3.764 тестирања

Читај повеќе

Вучиќ: Ништо не бараме од Македонците, само братство и пријателство

Читај повеќе

Трговијата со луѓе за сексуална експлоатација е доминанта форма во Македонија

Читај повеќе

Скопје се топи на +40°C, Брзата помош има стотина интервенции дневно

Читај повеќе

Нула минути чекање на граница и една работна дозвола – бара бизнис заедницата

Читај повеќе

Еден загинат и двајца повредени во сообраќајка во Куманово

Читај повеќе

Денеска ги трошиме последните ресурси на Земјата за 2021, а уште не е ни август

Читај повеќе

Макрон е како Хитлер? Антиваксерите го налутија претседателот

Читај повеќе

Скопјани добиваат поевтино парно греење

Читај повеќе