Фудбалскиот прволигаш од Чаир денеска го одржа првиот официјален тренинг по два и пол месеци пауза поради кризата со коронавирусот.
Шкупи гаи амбиции за излез во Лига Европа откако ќе продолжи прекинатата сезона, па затоа од денеска ги собра играчите и одржа прв тренинг.
Со оглед на тоа што сите странци во тимот останаа во Скопје, денешниот тренинг беше одржан во комплетен состав без никој да недостасува.
Сепак, одработија лесна тренинг-сесија и тоа без групирање. Со групни тренинзи тимот најави дека ќе стартува наскоро.
Во моментот на прекин по 23. коло Шкупи е на 5. место со 29 бодови, исто колку и Македонија ЃП. Третото место кое води во Лига Европа им бега 6 бодови, а таму се наоѓа Шкендија. Но, Шкупи ќе атакува и на 4. место со оглед на тоа што во зависност од развојот на настаните во Купот на Македонија може да се случи и тоа место да води во фудбалска Европа.
Фото: ФК Шкупи Скопје
