Ново истражување покажа дека многу возрасни Американци сè уште веруваат дека диносаурусите шетаат по Земјата и се скриени во некој оддалечен дел од светот.
Истражувањето го спроведе филмското студио Boat Rocker Studios, кое наскоро ќе го објави цртаниот серијал „Dino Ranch“ на каналот Disney Junior, кој ќе биде наменет за деца од предучилишна возраст. Анкетирани беа 2.000 возрасни лица и се тестирало нивното знаење за овие праисториски суштества.
Истражувањата покажаа дека околу 40 проценти од американската популација верува дека диносаурусите исчезнале во период пред 2.000 до 10.000 години. Сепак, одамна е докажано дека тие исчезнале пред 66 милиони години. Околу 20 проценти од Американците веруваат дека изумреле пред само 100 години.
Околу 30 проценти од испитаниците веруваат дека диносаурусите и луѓето живееле на Земјата во исто време. Секоја четврта личност верува дека диносаурусите живееле во исто време со слоновите, иако науката потврди дека слоновите потекнуваат 10 милиони години по истребувањето на диносаурусите.
Приближно 54 проценти од испитаниците тврдат дека диносаурусите живееле само во Африка и Северна Америка. Според истражувањето, возрасните можат да именуваат околу 4 видови диносауруси, иако е познато дека ги имало илјадници. Како што се очекуваше, повеќето од нив го знаат Tyrannosaurus rex.
Нешто повеќе од една третина од луѓето се сеќаваа на Brontosaurus, кој стана популарен поради детскиот филм „A Land Before Time“. Сепак, 54 проценти не успеаја да ги именуваат диносаурусите Triceratop, кои исто така се појавија во наведениот филм.